高雄市左營區kap林園區ê臺語看板使用狀況調查

看板tsiânn做大眾日常定定看會著的景物之一，有伊佇語言景觀（language landscape）頂面特殊ê地位。臺語看板ê使用，一方面代表看板的擁有者使用臺語ê主觀意願；另外一方面也表示這个看板所beh宣傳ê對象──也就是當地ê族群大多數會當接受臺語ê用法。佇目前ê臺灣學術界，並無針對相對來講臺語使用頻率khah懸ê南部進行過臺語看板的分布調查。所以本論文beh針對高雄市左營kap林園2區進行田野調查和分析ê研究，並且uì人口組成、產業分析等方面落手，來分析影響臺語看板使用ê原因。本研究發現人口密度愈懸、商業活動jú繁榮ê地區，使用臺語看板ê機率就jú大。另外，1949年以後ùi中國移民來臺ê住民聚集ê「眷村」區使用臺語看板ê比例明顯比其他所在khah少。最後，本研究閣發現餐飲業是使用臺語看板上濟ê產業。